Dantzak eta ijitokeriak EOSen denboraldiko azken kontzertuan

Euskadiko Orkestra Sinfonikoak Bernsteinen West Side Story eta Sarasateren Fantasia “Carmen”-en inguruan obrak interpretatuko ditu, besteak beste, Kursaaleko Auditorioan, denboraldiko ordainpeko azken kontzertuan, ekainaren 14an eta 15ean.

Dantzarako bi partitura zoragarrik, denbora tartean hurbil dauden arren estilo aldetik oso desberdinak ―Escudero donostiarraren Dantzari baten ametsa poema koreografikoa eta West Side Story-ren Dantza sinfonikoak, komedia musikalera eramandako Romeo eta Julieta-ren moldaketa lana, Bernstein, merezita, mundu osoan zehar ospetsu bihurtu zuena―, erakustaldi pirotekniko zoragarria taxutzen dute. Bertan, Sarasateren biolin bikainak, autore eta transkribatzaile den aldetik (Fantasia “Carmen”-en inguruan) nahiz interprete eta dedikatario den aldetik (Saint-Saënsen Sarrera eta Rondo kapritxosoa), berezkoa duen birtuosismoa eransten dio Ravelen Tzigane gori eta gutxitan jendarteratutakoari.