Lehiaketan parte hartu ahal izateko Facebookeko Kursaalaren orrialdeko fan-a izan behar da. Lehiaketa maiatzak 8ko eguerdiko 12etan bukatuko da. Irabazlearen izena www.kursaal.org web orriko berrien atalean ezagutaraziko da. Sarrerak leihatilan jaso ahal izango dira, kontzertua hasi baino ordu erdi lehenago. Eskerrik asko parte hartzeagatik eta zorte on!

Datorren apirilaren 17an, bere Bazkideen Batzar Nagusiaz baliatuz, ondoren egin ohi den ELKARGIren Enpresaburu Topaketa burutuko da, Donostiako Kursaal Jauregian burutuko dugu, goizeko 11:30etatik aurrera.

Enpresaburu Topaketaren titulua, “2014ko Aukerak: krisialditik irteteko ekonomia, finantza eta enpresako eragile garrantzitsuenek duten ikuspegia” izango da eta bertan, ekonomia, finantza edo enpresa esparruetan sona handikoak diren bost pertsona ospetsu arituko dira: Guillermo de la Dehesa, Londoneko CEPR (Centre for Economic Policy Research) erakundearen zein Europear Banku Zentraleko Madrileko Behatokiaren Presidentea; Txema Gisasola, MONDRAGONeko Kontseilu Orokorreko Presidentea; José Ignacio Torrecilla, AFM Makina-Erremintako Fabrikatzaileen Elkarteko Presidentea; Miguel Ángel Lujua, CONFEBASKeko Presidentea; eta Mario Fernández, KUTXABANK erakundeko Presidentea. Bestalde, Pedro Luis Uriarte, Economía, Empresa, Estrategia-ko Presidente Exekutiboak, Topaketa gidatu eta moderatuko du.

Enpresaburu Topaketaren ondoren, Jardunaldiari amaiera emango dion bazkari-solasaldia 14:30etatik aurrera burutuko da, eta urtero bezala, ekonomia, enpresa eta alor finantzarioetako ordezkari nabarmenak izango dira, agintari politikoekin batera. Zentzu honetan eta aipatu bazkari-solasaldian, Iñigo Urkullu Lehendakariaren parte hartzea aurreikusita dago.

Bestalde, gogorazi beharra dago, aurtengoa Jesús Alberdi Kontseilari Ordezkari gisa parte hartuko duen azken Bazkideen Batzar Nagusia eta Enpresaburu Topaketa izango direla, 25 urtez ELKARGIko exekutibo goren bezala aritu eta gero, erretiroa hartuko baitu.

Biltzarreko Batzorde Zientifikoak prestatu duen programaren arabera, aipatutako gaia ardatz gisa hartuta, arlo horretako hainbat profesional eta adituk patologia desberdinetako paziente kronikoei eskaini beharreko arretaz hitz egingo dute. Azken Europako Osasun Inkestan jasotako datuen arabera, 16 urtetik gorako espainiarren % 45,6k, gutxienez, prozesu kronikoren bat dute, eta % 22k bi prozesu edo gehiago. Horrez gain, biztanleria gero eta zaharragoa denez, gaixotasun kronikoak dituzten pazienteen kopuruak gora egin du: 65 eta 74 urte arteko biztanleek batez besteko 2,8 patologia izaten dituzte. Gainera, kasuen % 80tan, gaixotasun kronikoak dira lehen mailako arretarako kontsultetara joateko arrazoi nagusia.

Datu horiek ikusita, argi gelditzen da mota honetako ekitaldiek aukera ezin hobea eskaintzen dietela oinarrizko erizaintzako profesionalei, erizaintzako zaintzen teknikariei alegia, beren ezagutzak eguneratzeko.

Ildo horretatik, Biltzar Nazionalaren ezaugarrietako bat da bertako hitzaldiak eta posterrak erizaintzako zaintzen teknikariek egindakoak direla; hala, agerian gelditzen da profesional talde horrek egiten duen ikerketa lana. Biltzarra amaitzean, Batzorde Zientifikoak hitzaldi onenarentzako eta aurkeztutako poster onenarentzako sari bana emango ditu.

Donostia Ospitaleko profesional eta Donostiako FAEko arduradun Mª del Carmen Moneo da Biltzarreko Antolaketa Batzordeko presidentea.

Gaur Kursaalera itzuliko da Leo Harlem komikoa. Ikuskizun berri bat dakar, bere azken birako show-a aurkezteko, eta bi saio eskainiko ditu (20:00etan eta 22:30ean). Dani de la Cámararekin batera izango da taula gainean.

Estatu mailan bakarrizketen sailean edo stand up comedy deiturikoan hoberena den komikoak eskainiko duen ikuskizunerako sarrerak oso azkar saldu zirenez, saio bakar bat aurreikusi zen arren, bigarren bat gehitzeko eta jende gehiagori lekua egiteko beharra ikusi zen, eta 600 sarrera gehiago jarri ziren salgai.

Aurreikusitako ikuskizuna betikoa da –umorea eta monologoak–, baina bere bizi ikuspegiaren saio berritu bat dakar, artistak berak idatzitako gidoiekin.

Leonardo González (León, 1962), Leo Harlem izenez ezagunagoa, aktore eta umorista espainiar bat da. "El Club de la Comedia”-n hasi zuen bere ibilbidea, eta Bakarrizketen III. Lehiaketako finalista izan zen 2002an. Aktiboki parte hartzen du irratiko zein telebistako saioetan.

Kursaalen, atzo eta gaur, Europar Batasunaren garapenerako Estrategia 2020 planaren esparruan demokrazia ekonomikoa hobetzeko elkarrizketa sozialari buruzko jardunaldi batzuk egiten ari dira. Jardunaldi horietan, Erresuma Batuko, Italiako eta Frantziako enpresetako, sindikatuetako, unibertsitateetako eta administrazioetako ordezkariak ari dira parte hartzen, baita Gipuzkoako Foru Aldundiko ordezkariak ere.

Saio horietara bertaratu diren pertsonak langileek enpresetan duten partaidetzaren esparruan bizi izan dituzten esperientziak partekatzen ari dira, eta eztabaidak irekita daude enpresen munduan harreman eredu berri hori sustatzeko konpromisoa hartu duten Gipuzkoako hainbat eragile sozial eta ekonomikorentzat.

Foru gobernua da topaketa honen anfitrioia, eta Confesal (Lan Sozietate Anonimoen Konfederazioa) ari da koordinatzaile lanetan. Europako Batzordeak, ekimena finantzatu duenak, kontuan hartuko ditu jardunaldi hauetatik ateratako ondorioak; izan ere, enpresen antolakuntza eredua aldatzeak eta langileei hitza emateak enplegua hobetzea eta Europar Batasuneko garapen ekonomikoa areagotzea ekar dezakeela uste da.

Gipuzkoa, kooperatibismoak bertan duen presentzia indartsua dela eta, ekonomia sozialaren arloko mundu mailako erreferentzia da, eta Gipuzkoako Foru Aldundia enpresak, patronala, sindikatuak eta unibertsitateak barne hartzen dituen mugimendu baten buru da. Horri esker, langileen partaidetza ez da kooperatiba eta lan sozietateetan bakarrik ikusten, baita gainerako enpresetan ere, aldaketarako eta sare ekonomikoa errealitate ekonomiko berrira egokitzeko elementu eragile gisa.

Bihar Kursaalean Paco Ibáñezek Alfonsina Storni, Pablo Neruda, César Vallejo, Nicolás Guillén eta Rubén Daríori kantatzen dien kontzertu bat eskeintzen du. Bere

Latinoamerika, bere poeta, bere musika eta bere arazo sozialekin, Pacoren bizitzaren parte bat da dagoeneko, eta, hala, gitarra eskuan hartuta beti, bere babesa eta solidaritatea erakutsi ditu hango egoera dramatikoetan. 1971n bidaiatu zen aurreneko aldiz Amerikara —Argentina, Uruguai, Kolonbia, Peru, Bolivia, Mexiko, Venezuela, Txile—, non ilusioz beteriko gaztedi batek txalotu baitzuen. Pacoren abestiak, askatasunen aldeko poema erreibindikatiboak, gehiengo zabal batengana heltzen dira.

Eszenografia soil eta eder batez hornituriko agertoki batean garatuko da kontzertua, XIII. mendetik gaur egun arteko Espainiako eta Iberoamerikako gaztelaniazko poesiaren antologia musikatu ederrenetako batean oinarritua.

Paco Ibáñezen kontzertuak ez dira sekula berdinak izaten; kontzertu bakoitza sorkuntza-lan berria da beti. Behin agertokian dela, bere 150 abestitik gora aukeratuz gidatzen du artistak bere kontzertua: sentikortasunak eta arteak une bakoitzean adierazten diotenaren bidetik.

Beltzez jantzita eta bere gitarra besarkatuz, Paco Ibáñez, musikari bikainez inguratua, espainiar literaturaren historian barna bidaiatzen da. Bidaia geografikoa ere bada, Paco Ibáñez ez baita Gaztelako klasikoetara mugatzen: gogora ekartzen ditu halaber Federico García Lorca eta José Agustín Goytisolo, Andaluzia aldera joaten da, Galiziara, Euskal Herrira, Kataluniara, Frantziara eta Mediterraneoko herrialdeetara. Handik, ordea, urrunago ere badoa, Latinoamerika aldera: Pablo Nerudaren Txilera, Alfonsina Storniren Argentinara, Cesar Vallejoren Perura, Rubén Daríoren Nikaraguara…

Poesiaren ordezkaririk gorenen mezu bital, kultural eta sozialak denbora eta espazioa gurutzatzen ditu, gehiengoarengana heltzeko.

Europar Batasuneko Gazte Orkestrak, Europar Batasuneko 27 herrialdeetako 14 eta 25 urte arteko talentu handiko musikariz osatuak, udaberriko bira handi baten ildotik (15 kontzertu eskainiko dituzte guztira), bost hitzordu ditu Espainian, eta horietako bat Donostian, Kursaalen, hain zuzen. Suitzan, Italian eta Polonian ere izango dira.

Bira honetan, Vladimir Ashkenazy ospetsua izango dute zuzendari, eta zortzi musikari gazte espainiar daude 1998az geroztik lehen aldiz Espainian joko duen orkestra honetan.

Bira sustatzeko mezu batean, hauxe adierazi zuen Europako Batzordeko presidente eta, aldi berean, Orkestraren Ohorezko Patronatuko buru den José Manuel Barrosok: “Europar Batasuna ez da soilik lotura politiko eta ekonomikoetan gauzatzen, baizik eta, ororen gainetik, herritarren arteko loturetan. Talentu gazteen taldeak funtsezko lotura bat sortzen du herritarren artean".

Marta Pelejero Pérezentzat, 2008an orkestrako kide egin zen biolontxelistarentzat, Espainiara itzultzea bereziki adierazgarria da egungo testuinguru ekonomiko zailean. European Union Youth Orchestra-k (EUYO) ikuspegi baikor eta positibo berri bat ekar diezaioke egun bizi dugun kultura egoerari.

120 musikariek XX. mendeko pieza liluragarri eta zailenetako batzuk interpretatuko dituzte; besteak beste, Igor Stravinskyren “Udaberriaren sagaratzea” (lehen aldiz duela ehun urte eman zen, Parisen, eta “succès de scandale”-tzat hartu zuten). Errepertorioan agertzen dira Fallaren obrak eta Kataluniako dantzen “Montjuïc” suite-a; Benjamin Britten-en eta Lennox Berkeley-ren pieza, egileak 1936an Bartzelonako Musika Garaikidearen Nazioarteko Sozietatearen biltzar batean izan ondoren konposatua.

Gradu berriok Energiaren Ingeniaritza eta Prozesu Industrialetako Ekoteknologiako Ingeniaritza dira eta Estatuan MUk bakarrik emango ditu. Donostialdeako Campusean gauzatuko dira, hain zuzen ere Orona IDeO-innovation city parkean.

Apirileko ate irekien jardunaldian hitzaldi bat eskainiko da bi gradu horien programa azaltzeko eta dauzkan irteera profesionalen berri emateko. Hauek izango dira hizlariak: Josu Galarza (MUko Goi Eskola Politeknikoko koordinatzailea); Javier Oyarzun (Energiaren Ingeniaritzako koordinatzailea) eta Gurutze Arruebarrena (Prozesu Industrialetako Ekoteknologiako Ingeniaritzako koordinatzailea).

Bideo bat ez ezik, irailean inauguratuko den campus berriaren maketa bat ere ikusi ahal izango da Kursaalen. Saioa 18:30tan izango da eta interesdunek www.mondragon.edu/prest web orrian eman dezakete izena.

Bileraren ondoren, bertaratutako guztiek Kursaaleko Bankete Aretoan bazkalduko dute.

Datorren urtean 50. urteurrena ospatuko du Oronak, eta IDeO-innovation city inauguratuko dute: Gipuzkoako Zientzia eta Teknologia Parkearen luzapenean Orona eraikitzen ari den berrikuntzaren hiria, 40.000 metro koadroko azalera duena. Europan erreferente izango da hiriko mugikortasun iraunkorra eta autosufizientea lortzeko berrikuntza zentro hau.

Oronak, igogailuak eta eskailera mekanikoak fabrikatzen dituen eta Mondragon Korporazioko parte den enpresa elkarteak, Gipuzkoan dauka egoitza, eta Espainiako, Frantziako, Portugalgo, Erresuma Batuko, Irlandako, Belgikako, Luxenburgoko, Norvegiako eta Holandako 30 enpresak osatzen dute.

Euskal rockaren talderik indartsuenetako bat.

Haria, taldearen zazpigarren diskoa, bitxi txiki bat da, Berri Txarrak eta Ross Robinson ekoizle famatuaren arteko lankidetzaren emaitza. 17 urteko karrera egin ondoren, hona kalitatezko gaien bilduma berri bat, beti ere sorpresarako lekua gordetzen duen talde batentzat. Ageri-ageriko sentimenduak, entzulea arnasa estutua duela uzten dutenak. Indarrean diraute BTX talde berezia egin duten balioak, baina kolore berriak eransten dizkiote bere paleta pertsonalari, eta aukera desberdinetara zabaldutako etorkizun batentzat seinaleak eman dizkigute.

Haria definitzen saiatzea disko hau osatzen duten abestiak gehiegitxo soiltzea izango litzateke. Ez da batere erraza asmatzen zer materialez eginak dauden hots-geruza hauek. Rocka  da, hitzaren zentzurik zabalenean.

Berri Txarrak 1994an sortu zen, Gorka Urbizuren (ahotsa eta gitarra) eta Aitor Goikoetxearen (bateria) talde paralelo gisa, baina 1997an hasi ziren talde honetan bakarrik lanean, zeina garai hartan Mikel Lópezekin (baxua) eta Aitor Orejarekin osatu baitzen (gitarrista honek 2004aren bukaeran utzi zuen taldea, hirukote bihurtzeko). Bandak zazpi disko atera ditu gaur arte, denak euskaraz abestuak.

Sei gaiko maketa bat autoargitaratu ondoren, Berri Txarrak taldeak zenbait sari eskuratu zituen demo eta talde berrien hainbat lehiaketatan, eta handik etorri zitzaien lehen diskoa grabatzeko eskaintza, titulu berekoa, 1997ko udazkenean kaleratu zena. Disko hura Espartza-Galarren grabatu zuen (Nafarroa) Javi Sanmartínek, eta orduan Berri Txarrak indarrez agertu zen rock euskaldunaren panoraman, besteak beste, Lotsarik gabe, 500 urte ta gero eta Ardifiziala singleei esker.

Bigarren diskoa 1999an heldu zen, Ikasten titulupean, eta hura ere Sonido XXI estudioetan grabatu zen, oraingo honetan Haritz Harreguyren produkzioan. Zenbait abestik, nola diren Ikusi arte, Ez edo Ikasten bera, sekulako kontzertuak eskaintzeko eta banda gisa hazteko aukera ekarri zieten.

Handik bi urtera Eskuak/Ukabilak (2001) etorri zen, Berri Txarrak-en kalitatea berretsi eta taldea euskal rockeko abangoardiako musikari gisa sendotu zuen diskoa. Album hau Garate Studios-en grabatu zen (Andoainen) Kaki Arkarazoren batutapean, eta BTXren errepertorioko klasikoak dauzka, hala nola Oihu supiztailea, Stereo metalikoa edo Biziraun sakona, zeinak urteko abesti hoberenaren Gaztea Saria eskuratu baitzuen.

2003an laugarren diskoa etorri zen, Libre ©, aurreko lanaren toki berean grabatu zena. Disko hau beste salto kualitatibo handi bat izan zen Berri Txarrak taldearen karreran, eta kritika espezializatuaren onespena eta Europako lehen itzuliak ekarri zituen (Erresuma Batua, Danimarka, Alemania, etab.). Libre © Berri Txarrak-en diskorik gogorrena da. Izan ere, talde honek bilakaera etengabea du eta asko zaintzen du bere mezu kritikoa eta sentimenduz betea. Bereziki aipagarriak dira gai batzuk, nola diren Denak ez du balio (non Rise Against estatubatuar taldearen abeslari Tim McIlrath-en lankidetza duten), Hil nintzen eguna edo Izena, izana, ezina.

Itzuli luze baten ondoren, Aitor Oreja gitarristak taldea utzi zuen. 2005ean, Gorkak, Aitor Goikoetxeak eta Mikelek hirukote gisa aurrera jarraitzea erabaki zuten, eta bosgarren albuma grabatzeari ekin zioten. Jaio.Musika.Hil baserri batean grabatu zen, Erason (Nafarroan), Karlos Osinaga ekoizlearekin, eta Estatu Batuetan nahastu zen, Ed Rose-ren eskutik (Kurt Cobain, The Get Up Kids, Motion City Soundtrack…), zeina ingeniari ospetsua eta amerikar indiaren ikurretako bat baita. Ondoren, Berri Txarrak taldeak itzuli bat egin zuen Mexikon eta Nikaraguan barna, oso ondo hartua izan zena. 2009an Payola diskoa heldu zen, eta 2011n oraingo itzulikoa, Haria.

Berri Txarrak taldeak, era berean, zenbait disko-bildumatan parte hartu du, besteak beste Nafarroa, Hitza Dantzan (GOR, 2001); Navarra, tierra de rock, Tributo a Judas Priest (Zero Records, 2000) edo 2002n konposaturiko Bisai Berriak gai arraskatatsua. 

Belauneko eta artroskopiako mila kirurgialari inguruk eta bi diziplinetan adituak diren hainbat erizain profesionalek parte hartuko dute hil honen 24tik 27ra Kursaalen egingo den biltzar hirukoitzean (aldi bereko biltzarra izango da, lehen aldiz).

Artikulazio desberdinei (belauna, sorbalda, orkatila, ukondoa, aldaka, etab.) eragiten dieten alderdi adierazgarrienak izango dira aztergai nagusi, medikuntzaren zein erizaintzaren ikuspegitik, biltzar honen baitan egingo diren hitzaldi, mahai-inguru, eztabaida, komunikazio eta zuzeneko ebakuntza kirurgikoetan (Donostia Ospitaletik emanda Kursaalen ikusiko dira).

Espezialitate honen inguruan Estatuan egiten den topaketarik garrantzitsuena den biltzarrak Ricardo Cuéllar izango du presidente, eta Gaspar de la Herrán presidenteorde. Batzorde Zientifikoko arduraduna Jaime Usabiaga irakaslea da, Donostia Unibertsitate Ospitaleko Traumatologia Zerbitzuko burua. Medikuen Biltzarrarekin batera, Artroskopiako Erizaintza Biltzarra egingo da, eta honen Antolaketa Batzordeak Arantxa Etxeberria du presidente, eta María José Etxeberria presidenteorde; biak ere Donostia Unibertsitate Ospitaleko Traumatologia arloko langileak dira.

Biltzarrean izango dira, hizlari gisa, gai hauetan espezializatuta dauden beste herrialde batzuetako aditu ospetsuak ere, eta artroskopiako teknika diagnostiko eta kirurgikoen ikerketari, azterketari eta zabalkundeari buruz hitz egingo dute, baita diziplina osagarriei buruz ere.

Biltzarra Espainiako Artroskopia Elkarteak (AEA) antolatu du, Espainian artroskopiaren arloko etengabeko prestakuntza oinarrizkoaren eta aurreratuaren sustatzaile nagusia denak. 

www.aeartroscopia.com